Балансираните и здрави оброци се важни за секој животен период, но тоа станува особено важно кога е во прашање бременост. Хранливи материи, како витамини и минерали се неопходни во пренаталниот развој на вашето бебе. За трудниците не постојат некои строги органичувања кога е во прашење храната, но постојат намирници кои треба да се избегнуваат за време на бременоста.
СУРОВО МЕСО
Термички необработени морски плодови, сурова или полусурово говедско месо, исто како и живина треба да се избегнува поради опасност од контаминација со колиформини бактерии, токсоплазмоза и салмонела.
МЕСНИ ДЕЛИКАТЕСИ
Ваквото месо може да биде контаминирано со листерија, бактерија која може да мине низ постелката и да го зарази бебето, а во состојба е да предизвика и инфекција со фатални последици. Ако сте бремена и сакате месни преработки, настојувајте пред консумација, термички да ги обработите, особено ако стоеле во фрижидер. Избегнувајте и паштети.
РИБА СО ВИСОКА КОНЦЕНТРАЦИЈА НА ЖИВА
Ваквата риба треба да се избегнува, бидејќи нејзината консумација за време на бременоста може да предизвика проблеми со развојот на плодот и оштетувања на мозокот на бебето. Иако рибата е важен дел од исхраната на трудницата, и треба да се јаде еднаш до два пати неделно, избегнувајте кралска скуша, бранцин, свежа туна, месо од ајкула и сабјарка. Туната од конзерва содржи помалку жива, но сепак треба да се јаде порертко, во умерени количини. Поради листерија, во бременоста треба да се избегнува димена риба, како лосос. Ваквата риба е дозволено да се јаде, само откако ќе се зготви. Избегнувакјте и суши, поради суровата риба што се користи за подготовка на ова јадење. Избегнувајте и речна риба, поради можните загадувања.
СУРОВИ ЈАЈЦА
Поради труења со салмонела треба да се избегнуваат термички необработени јајца или храна што ја содржи оваа намирница во сурова форма. Избегнувајте домашни сосови со јајца, домашен мајонез, домашни сладоледи и слична храна.
НЕПАСТЕРИЗИРАНО МЛЕКО И МЕКИ СИРЕЊА
Бидејќи може да бидат заразени со листерија, треба да изегнувате меки сирења, како бри, рокфор, горгонзола, камембер, освен ако на декларацијата не пишува дека се направени од пастеризирано млеко. Истото важи и за млекото – само пастеризирано доаѓа предвид.
