Родителот треба да остане смирен, да не попушти при поставените правила и да го игнорира неприфатливото однесување.
“Избувнувањата често се јавуваат на возраст од 2 до 3 години, кога детето интензивно напредува во сите полиња: моторни вештини, говор, осознавање… Тоа станува посигурно во себе и се јавува потреба за независност. Се обидува да се снајде, да одлучува и да ги испита границите на својата способност и можности “, објаснуваат психолозите.
„Дајте му на детето ограничена можност за избор за да вежба самостојност. На пример, нека избере помеѓу две блузи или два понудени појадока. Овој период во развојот на детето е многу напорен за родителите, но тој е важен за детето затоа што покажува дека напредува и е доволно сигурно и способно да може да се снајде “, велат психолозите.
Исто така, потемпераментни деца имаат поголеми изливи на гнев и почести се во моменти на замор, поспаност или пред болест.
“Луѓето често не знаат за што станува збор, па затоа коментираат дека детето е непослушно или невоспитано. Или велат дека ти треба да го удрите по задникот и ќе престане. Тоа, се разбира, не доаѓа предвид. Нема универзална реакција, секој треба да го оцени своето дете и да реагира како е најдобро за него “, велат експертите додавајќи дека најважно е да се постават цврсти граници, да се држите до нив и да му се обрне внимание на детето.
Како да се однесувате кога вашето дете ви ги тестира границите:
- Бидете смирени и не очајувајте бидејќи таквото однесување нема да трае долго ако се правилно се постапува
- Детето има потешкотии да ги контролира своите чувства, па затоа родителот мора да ја задржи контролата
- Кога детето има излив на гнев, не смее да му се попушти. Мирно изразете го вашето незадоволство и игнорирајте го однесувањето на детето (се додека не е опасно за детето)
- Ако се фрла и удира, цврсто прегрнете го додека не се смири. Не се предавајте иако може да потрае
- Кога детето ќе се смири, објаснете му го накратко правилото и пофалете го што се смирило
- Правилата мора да бидат јасни и мора да ги почитувате.
