Изложеноста на мали честички од околината (РМ2,5) е поврзана со поголем ризик од воспаление на бели дробови кај децата, укажува нова студија. Загаденоста на воздухот е поврзана и со поголеми стапки на инфекции на долниот респираторен тракт.
Треба да се напомене дека респираторните состојби се најчестата причина за неонатална хоспитализација кај децата во САД, а воспалението на бели дробови или пневмонијата, најчестата дијагноза.
Ризик факторите кои ја зголемуваат веројатноста за проблеми со белите дробови кај децата вклучуваат вдишување на чад од цигари (пушење или пасивно пушење); загаденост на воздухот – како на отворено, така и во домот; рани животни ризици – предвремено породување или мала родилна тежина, како и респираторни инфекции.
Инаку, вирусите се честа причина за воспаление на бели дробови кај малите деца. Најчестата вирусна причина вообичаено е респираторниот синцициски вирус (RSV) или грипот тип А или Б. Додека начест бактериски причинител е бактеријата Streptococcus pneumoniae.
