Периодот по породувањето за секоја жена, неважно дали и е прво дете или не, е огромен предизвик. Обврските и соочувањето со непознато го прават своето, па така емоциите се толку измешани што во еден момент може да имате потреба да се исплачете, а веќе во следниот да се смеете на глас.
Листата на емоции кај штотуку породената жена е долга, но овие четири чувства се најчести, а се сосема нормални, според тврдењата на експертите.
- ТАГА
Очите ви се постојано полни со солзи. Значи ли тоа дека сте тажна што сте станале мајка? Секако дека не. Нормално е да плачете. Било да сте среќна или тажна. Нормално е да плачете ако прв пат сте се породиле и се уште не знаете точно да му ставите пелена на бебето. Нормално е да плачете и кога ќе ја изгледаш омилената серија и немаш што да гледаш во ноќите додека бебето спие.
Сузан Феинголд, клинички психолог вели дека чувствата на испрекината тага, плачливост и емоционална пречусвтвителност не се необични. Тие се вообичаен дел од привремената состојба на расположение кое трае не повеќе од неколку дена или недели.
“Таканаречениот baby blues, не треба да се меша со постпородилното расположение и анксиозните пореметувања“, предупредува Феинголд.
СТРАВ
Брзо ќе видте дека да се биде мајка со себе носи низа на нови стравови. Од помали до оние посложени, стравот кај многу мајки може да стане често чувство во раните фази на родителството. Но, не сте сами, велат лекарите. Многу мајки велат: “Се плашам да бидам сама со бебето, Како да го нахранам, Како да го смирам…“. Да се плашиш дека нема да го направиш она кое е добро за твоето дете, оти си нова мајка е сосема нормално. Само споменатото чувство ти е ново. Запомнете дека дефинитивно не сте прва мајка која се борела со стравови и сигурно нема да бидете и последна.
РАДОСТ
Знаете дека вашето дете ќе ви донесе голема радост во животот, но вусшност не знаете колку таа радост може да биде голема, се додека вашето дете не се роди. Сите позитивни емоции, заедно со негативните, ќе се спојат и ќе предизвикаат чувство кое не може да се спореди со ништо. Речиси е неверојатно колкава среќа тоа мало човече, кое се уште не ти ни видело убаво, кое не знае да зборува, може да донесе среќа во твојот живот.
Зевање, кажлање, мрдање на рачето се движења кои вообичаено не ги забележуваме, а сега ќе станат нешто најдобро во светот. Од плач и неконтролирани солзи, до солзи од среќа кои доаѓаат со насмевка, бакнежи и прегратки. Сето тоа ќе го почувствувате како најсреќен миг во животот.
ЛУТИНА
Можеби никој тоа нема да го признае, но сосема е нормално во првите неколку денови по породувањето да почувствувате лутина. Било да ја почувствувате кон себе, оти можеби детето нема да може убаво да цица, или не можете да го смирите, но и сето ова е повторно нормално.
Д-р Феинголд објаснува дека ова не е невообичаено, особено кај жените кои имаат големи очекувања или се склони кон перфекционизам. Меѓутоа, таа предупредува и на сериозноста од тоа.
“Значајна лутина или раздразливост може да бидат симптоми на пореметување на расположението по породувањето, односно постпородилна депресија“, вели таа.
Ако тие симптоми ве спречуваат во решавањето на одредени проблеми, д-р Феинголд препорачува да се обратите кај својот гинеколог и со него да поразговарате отворено.
