Зголемувањето на килограмите по бременоста отсекогаш било предмет на бројни дискусии, но заклучоците од таа дискусија досега беа без научни одговори и потврди. Ако сте се запрашале зошто некои жени се здебелуваат по бременоста, едно неодамнешно истражување има одговор на тоа прашање.
Според нова студија, постојаното зголемување на телесната тежина по бременоста може да биде резултат на начинот на живот кој вклучува мајката да јаде се што ќе остави детето зад себе и да поминува повеќе време во седечки активности, како што се читање или гледање филмови со децата, велат научниците.
Олга Јакушева, вонреден професор на Универзитетот Мичиген во САД, започнала со истражување на споредување на тежината на жените со деца и оние без деца. Во истражувањето на речиси 30.000 жени кои родиле меѓу едно и четири деца, истражувачите откриле дека повеќето жени по породувањето никогаш не ја вратиле телесната тежина што ја имале пред бременоста.
Меѓутоа, нивната тежина во периодот од една до две години по породувањето била речиси идентична со она која можело да се очекува дека ќе ја покаже вагата и да не родиле деца. Сепак, кога нивните деца стануваат тодлери, мајките почнуваат да се дебелеат побрзо од жените кои немаат деца.
Типичното зголемување на телесната тежина кај жените е 1,94 килограми годишно, а истражувачите откриле дека жените кои имаат деца добиваат речиси половина килограм годишно. Причината поради која многу мајки добиваат повеќе се дебелеат е последица на нивниот начин на живот, вели проф. Јакушева.
„Мајките имаат тенденција да ги ставаат потребите на своите деца пред нивните. Поради тоа, толку многу мајки не стигаат да вежбаат или да се грижат за себе“, додава таа.
Според резултатите од истражувањето, зголемувањето на телесната тежина е резултат на седечкиот начин на живот и седечки активности како гледање телевизија или читање. Но, овие наоди не треба да ги обесхрабруваат мајките. Како што нагласува Јакушева, „најважно е жените да се здрави“.
