Иако добар дел од светот се уште не ја примил ниту првата доза од вакцината против Ковид-19, во Израел отидоа чекор понатаму, па веќе дискутираат за примање на 4. доза.
Имено, израелскиот професор Салман Зарка, кој е познат како национален „коронавирус цар“ веќе ги повика властите да започнат со подготовки за потенцијална примена на четвртата доза на вакцина против Ковид-19.
Се верува дека до крајот на 2021 година или почетокот на 2022 година, Израел ќе започне да користи модифицирани вакцини кои подобро ќе штитат од новите варијанти на вирусот
„Со оглед на тоа дека вирусот е тука и дека тука ќе остане, треба да се подготвиме и за четвртата инјекција“, рече Зарка во интервју за јавното радио „Кан“, но не прецизираше кога конечно ќе започне да се администрира таа четврта доза.
Но, тој откри дека следната доза на вакцината, кога и да дојде на ред, можеби ќе треба да се модифицира за подобро да штити од новите варијанти на вирусот SARS-CoV-2, како што е распространетата делта варијанта.
„Ова е нашиот живот сега, во бранови“, рече Зарка.
Во неодамнешното интервју за „Тајмс оф Израел“, Зарка посочи дека досегашните бранови на коронавирус покажаа дека ќе треба да се подготвиме за нови варијанти во иднина, како и нови акции за вакцинација.
Слабеењето на ефектот од вакцината и намалувањето на нивото на антитела по само четири месеци е причината поради која се чини ќе треба да се ревакцинираме еднаш годишно, па дури и на секои пет до шест месеци, рече тогаш Зарка.
Се верува дека до крајот на 2021 година или почетокот на 2022 година, Израел ќе започне да користи модифицирани вакцини кои подобро ќе штитат од нови варијанти на вирусот.
- Израел е првата земја што вакцинираше поголем дел од своето население и која потоа започна да нуди трета доза вакцина за секого на возраст над 60 години. Минатата недела, таа граница беше намалена на само 12 години, под услов лицето да ја примило својата последна доза од вакцината пред најмалку пет месеци. Досега, 2,5 милиони Израелци ја добија третата доза
А дека сериозно се подготвуваат за четвртата доза во Израел, покажува одлуката на Министерството за здравство според која нивната верзија на „Ковид пасош“ истекува шест месеци од денот на приемот на последната доза од вакцината (втора или трета). (Тајмс оф Израел)
