Научниците предлагаат еден начин на успивање на новороденчето за кој не се потребни никакви комплицирани дејствија, а во исто време објаснуваат зошто е ефикасен.
Студијата објавена во Current Biology објаснува метод за смирување на расплакано бебе кое потоа заспива, но и останува да спие откако ќе го ставите во креветче.
Метод „оди па седни“
Методот, кој можете да го примените и за смирување на бебето и за заспивање, е изненадувачки едноставен и се состои од само три едноставни чекори.
1. Држете го расплаканото бебе во раце, шетајте го околу пет минути за да го смирите.
2. Откако бебето ќе заспие во вашите раце, седнете и држете го заспаното бебе уште пет до осум минути.
3. Ставете го бебето во креветчето.
Во што е тајната?
Инспирацијата за првиот чекор од овој метод, имено носењето на бебето наоколу, доаѓа од природата. Замислете мајка лавица како го носи своето бебе во уста. Доаѓа до т.н. транспортен одговор, што е смирување. Овој транспортен одговор се јавува кај многу цицачи.
Научничката Куми Курода и нејзините колеги од центарот RIKEN во Јапонија сакале да откријат дали истиот одговор може да се добие и кај човечки бебиња.
Тие набљудувале 21 бебе на возраст од еден до седум месеци, споредувајќи го нивното однесување, движења и отчукувања на срцето како одговор на четири различни сценарија: ги држат мајки кои седат, ги држат мајки кои одат, ги ставаат во „движечко креветче“ (т.е. лулка за нишање или количка) ги ставаат во креветче. Резултатите покажале дека расплакантие доенчиња најефикасно и најдоследно ги смирувале мајки во движење или движечки креветчиња. Исто така, откриле дека бебињата кои плачат најдобро се смируваат и заспиваат откако некој ќе ги прошета 5 минути.
