Покачената температура е природна реакција на телото да се бори против инфекции. Иако оваа појава е честа, особено кај децата, педијатрите предупредуваат дека секој трет родител прави една грешка кога нивното дете има покачена температура, пренесува „The Sun“.
Д-р Сузан Вулфорд, педијатар, ги советува сите родители да не брзаат со лекувањето ако температурата на детето е покачена
Лекарите од Универзитетот во Мичиген велат дека иако повеќето родители знаат дека температурата помага во борбата против инфекциите, секој трет сè уште му дава на своето дете лекови за намалување на температурата кога таа е под 38 степени, што не се препорачува.
Експертите исто така откриле и дека дури 50 отсто од родителите користат лекови кога температурата на детето е помеѓу 38 и 38,8 степени, а четвртина од родителите им даваат на децата и зголемена доза на лек за да спречат повторно зголемување на температурата.
Д-р Сузан Вулфорд, педијатар, ги советува сите родители да не брзаат со лекувањето ако температурата на детето е покачена.
„Родителите често се загрижени кога нивното дете има покачена температура и сакаат да направат се што можат за веднаш да ја намалат. Сепак, тие можеби не се свесни дека, генерално, главната причина за лекување на температурата е да му се даде енергија или апетит на детето или да се направи да се чувствува подобро ако неговата состојба е исклучително лоша. Некои родители може веднаш да побрзаат да им дадат лек за намалување на температурата на децата, но често е подобро да се остави да помине сама по себе. Намалувањето на температурата кај детето која не е многу покачена обично не помага болеста побрзо да се излекува“, објаснува Вулфорд.
Напротив, кога телото на детето со температура се бори со одредена инфекција или болест, нејзиното намалување ќе го направи телото поподложно на болеста.
