Каде исчезна блискоста?

Две третини од паровите одма по раѓањето на бебето се соочуваат со проблеми во врската кои претходно не ни постоеле.

Вашата љубовна врска функционирала совршено, а тогаш сте добиле бебе. Знаевте дека нема да е лесно, но не сте ни сонувале дека ќе се чувствувате така навредено што секогаш вие станувате во три часот наутро да го смирите бебето. Две третини од паровите одма по раѓањето на бебето се соочуваат со проблеми во врската кои претходно не ни постоеле. Во текот на првата година сигурно може да очекувате вистински рингишпил на падови и подеми, но исто така е извесно дека може да забележите подобрувања штом го промените начинот на однесување еден кон друг. Започнете ја играта со нас, за да знаете што може да очекувате.


СТАРТ

0-1 месец “Ах, добивме бебе!”

За вас: Сте се вратиле дома, исцрпени но и воодушевени со малото бебе кое сте го родиле. Во овој период е целосно оправдано да ја оставите настрана врската со партнерот, велат психолозите. Наскоро на бебето ќе трошите најголем дел од вашата енергија, но вие и вашиот партнер сепак треба да пробате да функционирате како тим. Поделете ги обврските и еден да друг бидете си поддршка.

За него: Партнерот најверојатно ќе смета дека е комплетен вишок, но сигурно кај него ќе се пробудат заштитничките чувства. Мажите сакаат да им помогнат на жените по породувањето, меѓутоа генерално не знаат што и како да направат. Многу често ќе се чувствуваат и дека се непосакувани, па би било добро што е можно почесто да ги вклучите во семејниот живот и, ако можете, да бидете некое време насамо со нив.


1-3 месеци “Постпородилна депресија”

За вас: Партнерот се враќа на работното место, а вие сте оставени сами да се снаоѓате. Можеби ќе имате чувство дека тој не разбира низ што се минувате и колку напорни ви се деновите.

За него: За мажите вообичаено е многу брзо по породувањето да се вратат на полно работно време бидејќи чувствуваат голема потреба да заработат средства за своето ново семејство. Можно е поради тоа да се почувствувате запоставени, но важно е да сфатите дека ова е неговиот начин да придонесе кон новиот семеен живот.


36 месеци “Што е со сексот?”

За вас: Бебето ќе почне порано да спие, па и вие ќе може малку повеќе да одморите. Не се грижете ако сексот не е она што прво ви паѓа на памет кога навечер ќе останете сами. Нормално е да поминат и до осумнаесет месеци од пораѓањето додека нивото на хормони не се врати на нормална вредност.

За него: Мажите најверојатно ќе сакаат што е можно поскоро да ја обноват телесната блискост, но можно е да не водат сметка за тоа како да го покажат ова. Подеднакво се важни бакнежите и милувањата. Ваквата телесна блискост ќе биде знак за него дека вие двајца и понатаму сте пар, а не само родители.


6-9 месеци “Враќање во општествениот живот”

За вас: Вашето бебе веќе е доволно големо да може да го чува и личност што ви е од доверба, што значи дека ви е време да размислувате за вечерно излегување. Ако се грижите дека, освен за пелени, нема да знаете да зборувате за друго, однапред смислете теми за кои би можеле да разговарате.

За него: Со оглед на тоа што од раѓањето на бебето паднал на скалата на приоритети, вашиот партнер особено ќе се израдува што ќе успее да добие дел од вашето внимание. Вечерното излегување од домот е најдоброто решение, бидејќи така ќе може да се фокусирате еден на друг, иако се подразбира дека со едното око постојано ќе очекувате пораки и повици од личноста која го чува вашето бебе.


9-12 месеци “Враќање на работа”

За вас: Враќањето на работното место може да предизвика и дополнителна напраност, особено ако на вас е оставен најголемиот дел од домашните обврски. Можно е на некој начин да му замерувате на вашиот партнер што неговата кариера продолжила на истиот начин како и пред раѓањето на бебето.

За него: Често се смета дека мажите повеќе би сакале нивните жени да останат дома и да се грижат за малото, но не е секогаш така. Тој сака и вие да сте среќни, и доколку тоа подразбира да одите на работа, тоа секако ќе го прифати. Освен тоа, ако жената не работи, целата финансиска одговорност паѓа на товар на мажот, што може да биде и застрашувачки.


12 месеци и понатаму “Најдете рамнотежа”

За вас: Сега знаете што правите и малку сте поодморени, така што време е односот со партнерот повторно да го ставите на листата на приоритети. Флертувајте повторно, советуваат експертите, праќајте си нежни пораки и бакнувајте се наутро пред да одите на работа. ваквите гестови покажуваат дека и двајцата сеуште се грижите за вашиот однос.

За него: Иако може нема да признае, но на вашиот партнер ќе му олесни доколку имате повеќе време еден за друг. Сепак, неколку слободни часа понекогаш е нешто најдобро што можеме да си го дадеме еден на друг. Полесно е наизменично да ги извршувате родителските обврски. Додека едниот од родителите излезе со детето на прошетка, другиот може да остане дома и да се одмори.


  • Се карате околу тоа кој е поуморен. Договорете се за време на викендот наизменично еден од вас подолго да остане во кревет.
  • Ура! Конечно сте испланирале да се видите со пријателките. Дозволете си излегување за паметење.
  • Партнерот нека го заспие бебето еднаш неделно за да може вие да отидете на пилатес, а потоа на пијалок со друштвото.