Како да изберете педијатар?

За избор на детски лекар – педијатар, за многу родители е пресудно искуството на другите мајки.

Најдобро е одлуката за избор на педијатар да ја донесете пред породувањето.  Додекa не се породите, имате доволно време да се распрашате кај своите познаници, или едноставно, некои од детските лекари запознајте ги и така олеснете си го изборот. Најавете им се на домашен разговор. Можеби звучи како научна фантастика, но верувајте дека повеќето од нив се подготвени да разговараат со вас. Личниот контакт може многу да ви помогне во донесувањето на одлуката.

Прашајте ги другите мајки

Прашајте ги мајките во чекална за нивното мислење за педијатарот. Самиот разговор нема да открие многу за докторот, но собраните информации може да ви помогнат во проценката кој, евентуално, би бил најдобар лекар за вашето дете.

Не бидете пасивен учесник во лекувањето на детето

Важно е да напоменеме дека ние, како родители, не можеме да ја преиспитаме одлуката на лекарот, ако и самите немаме некое познавање  од болестите и нивното лечење. Немојте да го обвинувате педијатарот што не дал антибиотик на вашето дете… можеби станува збор за вирусна инфекција, кога антибиотикот не помага. Меѓутоа, во процесот на лекување не смеете да бидете  пасивен учесник. Секогаш бидете подготвени да слушнете совет од докторот, да соработувате со него, да учите за своето дете и неговото здравје. Во случај нешто да не ви е јасно побарајте објаснување. Имајте на ум дека ако не сте задоволни од избраниот педијатар, секогаш може да го смените.

Кога на прв преглед

Здравствената состојба на детето се следи и пред неговото раѓање. Во текот на бременоста, мајката оди на ехо прегледи и прави тестови со кои се следи текот на бременоста и состојбата на плодот. Кога бебето ќе се роди, во родилиштето се вршат низа тестови за проценка на неговата здравствена состојба. Но, кога ќе дојдете дома па ќе започнете сами да се грижите за бебето, тогаш е неопходно за знаете кога е потребно да го однесете на прв контрола и што се е потребно да понесете.

Првиот преглед по излегувањето од болница треба да се направи еден месец по раѓањето (ако се работи за дете кое е родено со нормална телесна тежина).

Првиот преглед опфаќа мерење на телесната маса и телесната должина, се прави комплетен клинички преглед, скратен невролошки преглед (рефлекси, тонус, мускули…). Мајката добива совети поврзани за правилната исхрана, значењето на доењето, негата на кожата и слузницата, повиткувањето, облекувањето, нега во случај на грчеви, шетање…