Родителите треба да бидат свесни за “необичен осип“ кој е поврзан со случаевите на новиот сој омикрон КОВИД кај децата, вели лекарот по општа пракса.
Д-р Дејвид Лојд, лекар по општа пракса во северен Лондон, детално ги опишува симптомите на новата варијанта, кои првично се забележани меѓу деца од помладите возрасни групи.
Тој вели дека околу 15 проценти од децата за кои е потвредно дека се инфицирале со новиот сој, добиле осип. Покрај осипот забележани се и симптоми кои вклучуваат замор, главоболка и губење на апетитот.
Според д-р Лојд, се чини дека првичните, рани случаи за инфекции со омикрон варијантата имаат малку поинакви симптоми за различните соеви. тој потенцира дека симптомите како замор, главоболка и губење на апетитот се “исклучително важни“, како и појавата на осип.
“Од секогаш сме имале мала група на пациенти со КОВИД-19 кои добиле чудни осипи, но и до 15 проценти од децата заразени со омикрон добиваат необичен осип. Значи почнуваме да учиме нешто повеќе за вирусот и почнуваме да внимаваме“, нагласува д-р Лојд.
Тој се надева дека омикрон варијаната не е толку смртоносна како делта сојот, но нагласува дека е многу заразна и дека пред нас е “загрижувачки период“.
Светската здравствена организација засега нема информации кои би укажувале дека симптомите на омикрон варијантата се разликуваат од останатите варијанти на КОВИД-19.
(Mirror)
