Се чини дека кај почувствителнте деца играњето видеоигри може да поттикне смртоносни срцеви аритмии, укажуваат резултатите од истражување во кое учествувале 22 деца на возраст од 7 до 16 години за кои е утврдено дека доживеале суспектна или докажана вентрикуларна аритмија во текот на играњето видеоигри.
Истражувањето утврдило дека шест учесници (27 проценти) доживеале срцев застој, а четворица (18 проценти) ненадејно починале.
Проаритмичната дијагноза на срцето била позната пред играњето кај седум лица (31 отсто), а потоа била поставена кај 12 (54 отсто). Севкупно, 10 односно четири деца имале катехоламинергична полиморфна вентрикуларна тахикардија и синдром на долг QT интервал, а две деца и еден пациент по вродена конгенитална кардиохируршка операција, имале идиопатска вентрикуларна фибрилација и коронарна исхемија (по Кавасаки болест). Осум од 13 пациенти (62 проценти) за кои биле познати деталите на видеоигрите, играле играле видеоигри со воена тематика.
Според мислењето на експертите, видеоигрите може да претставуваат сериозен ризик за некои деца со аритмични состојби и може да бидат фатални кај пациенти со предиспонирачки, но често претходно непрепознаени, аритмични состојби.
Извор: Heart Rhythm
