Затоа и не зачудува што родителите, кои ја виделе објавата на 21-годишната мајка Татјана, сакале да знаат со какви трикови успеала да го „наговори“ своето бебе само да се успие, да спие цела ноќ и да растојанието помеѓу оброците да биде од 4 до 5 часа.
„Мојата ќерка има само три месеци и јаде на секои четири до пет часа, ја легнувам во 22 часот и таа спие цела ноќ во креветчето. Се буди во 7 наутро и спие два до четири часа еднаш дневно“, вели Татјана во видеото.
Веднаш да се разјасни, Татјана го хранела своето бебе со шише, што може да објасни како бебето барало млеко во толку долги временски растојанија. Кај доените бебиња, ова е малку потешко да се направи.
Мајката вели дека не ги слушала лекарите кои ја советувале да го буди бебето за хранење на секои два часа откако дошла од породилиште. Таа ја оставала ќерка си да спие и и давала шише кога и да се разбудела и покажувала знаци на глад.
„Никогаш не сум ја изгладнувала, ја хранев секогаш кога беше гладна. Само кога ќе се вознемири, прво проверувам дали се задоволени сите нејзини останати потреби и не и нудам шише како прво решение“, напоменува таа.
Потоа објаснува дека во текот на денот често го става бебето на стомак, разговара со неа, а за време на дневните дремки ја остава да спие во осветлена просторија, со сите придружни звуци.
Наспроти тоа, навечер бебето спие во целосен мрак и тишина, а секоја вечер околу 7 часот става дифузер со етерично масло од лаванда, па бебето дури и по мирисот препознава дека е време за спиење.
