Многу мајки си го поставуваат прашањето како бебето полесно да подригне и постојат совети кои можат да помогнат.
Дали сте знаеле дека бебето не мора да подригне по секој оброк? Но, ако вашата рутина со бебето подразбира да подригне по секој подој или хранење со шишенце, следете ги овие совети и ќе ви биде полесно. Постојат три положби во кои можете да се обидете да му олесните на бебето да се ослободи од насобраниот воздух.
ПОЛОЖБАТА НА РАМО е најчестата, брадата на бебето треба да се намести на вашето рамо, а вие да му ја придржувате главата и да внимавате телото, доколку може, да биде исправено. На тој начин проголтаниот воздух полесно ќе излезе.
ПОЛОЖБАТА ВО СКУТ подразбира бебето да го ставите на вашата надоленица и да му ја придржувате брадата.
СЕДЕЧКАТА ПОЛОЖБА пробајте со бебиња кои не се новороденчиња. Бебето ставете го да ви седне во прегратка така да гледа нанапред. Благо навалете го нанапред и тапкајте го по грбот, нежно, само 2-3 минути.
Некои бебиња ќе подригнат во текот на хранењето, а некои дури потоа и мајките тоа со тек на време ќе го препознаат. И бебето ќе дава сигнали – ако во текот на хранењето се занервози, плаче или грчи, тоа е сигурен знал дека треба да го исфрли проголтаниот воздух, можеби дури и да “бљуцне“.
Знак дека бебето го мачат гасови ќе биде плачење, грчење на грбот, движење на нозете кон стомакот или стискање на дланките. Пробајте бебето да легне на грб, а вие да му го масирате стомачето. Некои медицински сестри советуваа и на бебето да му ги придвижите нозете како да вози велосипед, за да со движењата на колковите се ослободат гасовите во системот за варење.
