Децата уживаат да си играат надвор, а забавата на снег има посебен шарм. Родителите треба да бидат внимателни за да избегнат повреди на децата на снегот, а фрлањето топки, скијањето, санкањето, правењето снешко, па дури и самата прошетка надвор на студ обично значи дека на децата ќе им се оладат и рацете и нозете.
Во желба шго побрзо да ги загреат децата, некои родители веднаш по влегувањето во домот ги ставаат рацете и нозете под топла вода, но експертите предупредуваат дека тоа никако не треба да се прави.
„Не се препорачува да ги загревате студените раце или стапала на детето под топла вода или топли облоги после прошетка, бидејќи тоа може да предизвика болка“, вели педијатарот д-р Рамил Шаквеледов.
Според него, за да му ги загреете рацете и стапалата на детето потребно е да се зголеми циркулацијата на крвта, па затоа е поефективно нежно да се протријат рацете и стапалата на детето. Доколку на детето му смрзнале образите, тогаш можете да ги загреете со топла крпа/пешкир.
„При изборот на облека за престој надвор, важно е да се земат предвид временските услови – треба да им биде топло, но во исто време кожата да дише, за детето да не се прегрее и да не се препоти“, вели докторот.
