Сите знаеме колку е предизвикувачко и стресно да станете нов родител. Одеднаш сте одговорни за мал човек, без никакви квалификации, сертификати или претходно искуство, а вашата задача е да го одржите жив. Звучи застрашувачки, нели?
Еден од стресните моменти со новороденчињата е купањето. Држење на бебето во вода, нежно чистење на кожата, а во исто време грижа да не ви испадне, може да биде многу напорно. Многу бебиња не се воодушевени кога се ставаат во вода и изложуваат на студ.
Во такви моменти, родителите често бараат помош и совети од поискусни луѓе, кои знаат трикови што навистина помагаат. „Моето прво бебе не го сакаше купањето – буквално го мразеше. Плачеше толку многу што речиси стана сино, а јас и мојот партнер, како нови и неискусни родители, паничевме и ја повикав мојата мајка плачејќи. Па, тоа е она што мајките го прават, нели?“ – раскажува една мајка на социјалните мрежи.
Тогаш нејзината мајка, која работела како педијатриска сестра, дала еден совет:
„Сети се, таа само започнува да се навикнува на надворешниот свет. Сè е големо, отворено и студено – навикната е да биде во топлина и удобност на твојот стомак.“
Потоа ѝ дала еден мал трик кој целосно ја променил рутината на купање:
„Обиди се да ставиш крпичка на нејзиниот стомак додека е во када и полека полевај вода со рака преку неа, ќе биде смирена.“
И, верувајте – успеа!
Следниот пат кога ја ставила во када, користела мека крпичка натопена во топла вода и ја ставила на стомакот и градите на бебето – и погодете што? Престанало да плаче! Не само што не плачело, туку изгледало како да ужива во купањето.
