Тешко дека постои родител кој не сака да го научи своето дете да ги собере играчките зад себе, да се чисти и расчистува собата и да извршува некои основни домашни работи.
Факт е дека малите деца истураат, не умеат да чистат, средуваат и слично, но важно е трпеливо да ги научите на ова уште од мали нозе, за да израснат во луѓе кои умеат да се грижат за себе.
Меѓутоа, она што многу родители не го знаат е како да ги научат децата да ги извршуваат домашните работи уште од мали нозе, а ние ви пренесуваме неколку идеи кои се во склад со Монтесори методите.
- Започнете од сложување на алишта
Дури и тригодишно дете може да и помогне на мама во сложувањето на чисти алишта и местење во фиоки. Покажете му на детето каде стојат маиците, пижамите, чорапите… Тоа не е комплицирано и ќе биде доволно само да му покажете каде што да стави и да имате трпение да го направи тоа.
- Не бранете му да брише под
Всушност, добра идеја е да му купите на детето мала метла и канта и да му покажете како да ги користи. За почеток, вие можете да ја држите корпата за отпадоци во која детето со метла ќе ја собира прашината од подот. Оставете понекогаш тоа да го прави и само и, секако, не очекувајте подот потоа да биде беспрекорен- вие исчистете по него.
- Оставете да го исчисти огледало или понизок прозорец
Всушност, помало дете можете да почнете да го учите така што тоа ќе ви прска со средството за чистење на огледало или прозори, а вие ќе го исчистите. Кога станува збор за постари деца, тие секако можат да учествуваат и во самото чистење.
- Подгответе вечера заедно
Децата сакаат да сечкаат зеленчук и тоа им е одлична задача, но ако имате мало дете, разбирливо е дека на тригодишно дете не би му дале нож. Помалите деца можат, на пример, да ви помогнат да ги извадите намирниците од фрижидер, да го измиете зеленчукот, па дури и да ви помогнат да ги раскренете садовите по вечерата.
- Дајте му задача да ги наводени цвеќињата
Оваа „работа“ е многу добра за децата. Дајте им помал сад за полевање за да не истурат премногу вода во цвеќињата и покажете им што да прават. За почеток, можете да им “доделите“ да се грижат за едно растение кое е најотпорно, а штом малку ќе научат како да го наводнуваат, оставете ги да преминат на другите.
- Нека го нахрани миленичето
Без разлика дали имате куче, мачка, хрчак, папагал или риба, мало дете може да ги храни. Ако е премногу мало за да се исчисти по мачката или да го изнесува кучето од дома, секако може да ги нахрани животните, под ваш надзор.
- Покажете му како се брише прашина
Децата уживаат да вршат задачи каде што резултатите се веднаш забележливи. Затоа, идеална задача за нив е чистење на прашината, каде што ќе можат да ги видат „последиците“ од нивните постапки. Прво покажете им како да го направат тоа, дека треба да ги отстранат предметите од полиците и да ги исчистат пред да ги вратат на своето место.
Имајте на ум дека без оглед на домашните работи што ќе му ги дадете на вашето дете, тоа нема да го направи одлично на почетокот, но бидете трпеливи бидејќи со текот на времето ќе се подобри во тоа.
