Како доаѓа зимата, а надвор станува се постудено, потребно е и децата доволно да се затоплат за да може да престојуваат надвор. Малите деца немаат доволно добра терморегулација, па се почувствителни на студ.
Но, нема причина да останете затворени со вашето бебе ако надвор е студено, важно е единствено убаво да го облечете детето, а свежиот воздух секако ќе му годи.
Како да го облечам бебето кога надвор е студено?
Основно што мора да почитувате е слоевито облекување. Слоеви треба да постојат бидејќи го затоплуваат бебето, а воедно можете да ги соблечете за на бебето да му биде поудобно. Секогаш е важно детето да носи на себе боди, врз него блуза со долги ракави, панталони, па џемпер и на крај јакна. Тоа е некаква основа.
Ако е многу студено, не заборавајте ракавици, капа и чизми. Децата, исто како и возрасните, го губат нивото на температура ако главата им е незаштитена.
Доколку патувате со автомобил, прво загрејте го автомобилот, па тогаш тргнете со бебето. Подобро соблечете му ја јакната на бебето кога ќе го ставите во седиште, а ако мислите дека му е студено, покријте го со ќебенце. Облечете му ја јакната дури откако ќе излезете од автомобилот.
Кога го возите бебето во количка, земете со вас ќебенце, доколку е потребен уште еден слој за да се покрие детето.
Ако забележите дека бебето се трепери, тоа значи дека е време да влезете внатре. Ова значи дека дошло до хипотермија. Ако ја допрете кожата на бебето, а таа е многу студена, тоа исто значи и дека на бебето не му е пријатно.
