Бременост, период кој секоја жена го опишува како најубав, но и еден од најстресните периоди во животот. Едно од најчестите прашања што ги интересира сите, па и остатокот од семејството и пријателите, е кога е терминот за породување. Кај гинекологот ќе одговорите кога ви бил последниот менструален циклус и потоа се пресметува терминот за породување.
Во продолжение ви претставуваме начин како сами да го пресметате датумот на породување доколку сè уште не сте посетиле лекар и не сте го дознале тој посебен датум.
- Како да се пресмета терминот на породување?
Пред да започнете со пресметувањето, земете предвид дека должината на траење на бременоста, а и погодувањето на терминот не е кај сите жени ист. Всушност, само четири проценти од децата се раѓаат на предвидениот ден на терминот, додека останатите варираат за еден ден или дури недели. Соо ултразвук кај гинеколог најлесно се предвидува терминот на бременост, а веројатноста за погодување на датумот се намалува како што бременоста се приближува кон крајот. Грешката е во просек од пет до 10 дена.
Бременоста обично трае девет месеци, поточно 280 дена од последната менструација. Секако, ова пресметување се прави со претпоставка дека имате правилен менструален циклус. Терминот на породување се пресметува по претпоставка на овој просек, а не на индивидуалните карактеристики на бременоста. Токму ова е причината зошто отскокнувањата се чести.
- Што влијае на времетраењето на бременоста?
Врз основа на претпоставката дека бременоста трае 280 дена, можете сами да го пресметате терминот на породување. Секако, ова оди со претпоставка дека менструалните циклуси ви се редовни, дека циклусите на овулација се уредни и дека немате проблеми со матката.
Влијание врз времетраењето на бременоста има и телесната тежина, па така потхранетите жени имаат малку пократка бременост, како и оние кои пушат или имаат поголемо ниво на стрес. Жените кои страдаат од дијабетес исто така би можеле да имаат пократка бременост, а големо влијание има и менструацијата за време на бременоста.
Подолга бременост се јавува кај жени кои имаат менструален циклус подолг од 28 дена и жени над 30 години. Се верува дека машките фетуси ќе се носат подолго од женските.
ПРЕСМЕТУВАЊЕ
Со оглед на тоа дека некои жени знаат кога имале сексуален однос кој довел до бременост, пресметувањето на датумот на породување е нешто полесно. Сепак, најважна информација е сепак првиот ден од последната менструација.
Наједноставниот начин како да се пресмета терминот на породување е да се запише датумот на првиот ден на последната менструација. На тоа додадете седум дена и одземете три месеци. На пример, ако првиот ден од вашата последна менструација бил 5 ноември, додадете седум дена на тоа и добивате 12 ноември, потоа одземете три месеци и добивате 12 август. Овој метод на пресметување на датумот на породување се нарекува и правило на Негел и оди со претпоставката дека вашиот циклус трае 28 дена.
Ако вашиот циклус трае подолго, околу 35 дена, и не го знаете точниот ден на почетокот на вашата последна менструација, ова е вториот најдобар метод што можете да го користите за да го пресметате датумот на породување. На првиот ден од последната овулација додадете 7 дена. Потоа го добивате првиот ден од последната менструација. После тоа можете да го пробате правилото на Негел.
