Жиговината може сериозно да им го наруши секојдневието на трудниците. За да избегнете користење на лекови, секогаш може да се свртите кон храна што ќе ви ја олесни оваа непријатност. Храната навистина може да биде од помош, но ако лекар ви каже дека ви се потребни лекови, не ги менувајте со храна. Терапијата земајте ја како што ви е препишано.
ШТО МОЖЕ ДА ПОМОГНЕ АКО СЕ МАЧИТЕ СО ЖИГОВИНА?
Млеко и млечни производи
Млекото и млечните производи, а особено јогуртот, може да ви помогнат при жиговина, бидејќи млекото создава еден вид на бариера во стомакот, ја намалува иритацијата и со самото тоа ја намалува и жиговината.
Јаболка и круша
И јаболките и крушите поволно делуваат бидејќи ја регулираат киселоста во стомакот.
Студена храна или пијалок
Верувале или не, сладоледот или студената вода всушност може да ја смират непријатноста од жиговната.
Крекери
Крекерите се препорачуваат бидејќи го апсорбираат вишокот на киселини во стомакот, што доведува до сите непријатности.
ЗОШТО ДОАЃА ДО ПОЈАВА НА ЖИГОВИНА ВО БРЕМЕНОСТА?
Жиговината често се јавува за време на бременоста поради хормоналните промени, но и поради растењето на бебето. Како бебето расте, тоа создава притисок на желудникот, што тогаш доведува до жиговина. И исхраната може да доведе до жиговина. Препорака е да не јадете многу масна храна, кофеин и да избегнувате течности за време на оброкот.
