Забавената дигестија и запек мачат голем број деца, а иако исхраната не може секогаш да помогне, одредени намирници секако можат да ги олеснат дигестивните пречки.
Што да направите кога воведувањето на дохрана кај бебето ќе предизвика дигестивни проблеми?
Еве што вели нутриционистот д-р Дарија Бендер за забавената дигестија и појавата на запек, кои ги мачат голем број деца.
“Важна улога играат полнозрнестите житарки и нивните преработки, ферментираните млечни производи со пробиотици, функционалните производи обогатени со пребиотици, варива, супи, варено месо и риба. Супите и варената храна особено се важни во исхраната за полесна дигестија. Нутритивниот состав на супата го прави ова јадење целодневен окрепувачки оброк за децата. Голема предност на супата е тоа што како самостоен оброк на организмот истовремено му ја обезбедува неопходната количина течност и нутриенти, и тоа во форма во која организмот најлесно ги апсорбира и со тоа најлесно ги користи во насока на зачувување на здравјето“, вели д-р Бендер.
СОВЕТИ ЗА ПОДОБРО ВАРЕЊЕ
Ова се неколку совети од д-р Бендер за подобра дигестија кај децата:
- Избегнувајте прекумерно давање на храна која “затвора“, како банани, варен морков, ориз, големи количини млеко и млечни производи
- Зголемете го внесот на прехрамбени влакна. Погрижете се детето да внесува доволни количини полнозрнести житарки, како леб, овошје, зеленчук, особено сливи и темно зелен лиснат зеленчук.
- Зголемете ја количината на течности кои детето ги внесува во текот на денот за да му се омекне столицата. Најдобар избор е водата, а може и супа, чаеви и овошни свежи сокови. Малите деца обично имаат 4-5 мокри пелени дневно, а ако се навикнати на тоалет, ќе уринираат приближно на секои 5-6 часа.
- Охрабрете го детето да оди, трча, ползи, за да го поттикне дотокот на крв во дигестивниот систем
- Нежно масирајте го стомакот на детето
- Од помош може да бидат и благи мешавини на час, како и компоти и сокови од зеленчук како морков, цвекло и целер.
