Многу е лесно да забележите дали децата се чувствуваат добро во врска со себе, но исто така и кога не се чуствуваат на овој начин. Ова “добро“ мислење за себе се нарекува самопочит.
Деца кои имаат самопочит се:
- Имаат чувство на вредност и прифаќање
- Имаат самодоверба дека можат да ги остварат работите како што се очекува
- Се гордеат кога добро ќе ја завршат работата
- Добро се чувствуваат во врска со себе
- Подготвени се за секојдневните предизвици
Деца со ниска самопочит и самодоверба се:
- Критички се настроени кон себе
- Несигурни се или не се однесуваат добро со другите деца
- Се фокусираат на моментите кога не успеале, отколку на моментите кога успеале
- Се сомневаат во своите способности дали ќе ги направат работите како што треба
Кога децата се чувствуваат добро во врска со себе, тоа ги носи во успех – од училиште до пријателства. Позитивните чувства за себе и самодовербата им помага на децата да се справуваат со предизвиците, полесно да се соочуваат со грешките и повторно да се обидуваат. Самодовербата и вербата во сопствените способности им помага да го извадат и направат најдоброто од нив.
Од друга страна, децата со ниска самопочит најчесто се чувствуваат несигурни во себе. Доколку мислат дека нема да бидат прифатени од другите, нема ни да учествуваат, ниту да пробуваат да се вклучат. Најверојатно ќе дозволуваат лошо да бидат третирани од другите и тешко ќе се справуваат со такви ситуации. Од децата од кои не се очекува да биде работата добро завршена ќе избегнуваат предизвици, лесно ќе се откажуваат и потешко ќе учат од грешките. Ниската самопочит може да го блокира успехот. Децата имаат стрес од тоа како да се соочат со секојдневните предизвици.
Како родителите можат да придонесат за создавање на самопочит кај детето
- Помогнете му на детето да научи како да ги прави работите. На секоја возраст има по нешто ново да се учи. Дури и за време на бебешкиот период се учат работи како држење на чаша или кога се прават првите чекорчиња. Како растат децата, учењето како да ја облечат облеката, читаат или да возат велосипед се одлични можности самопочитта да почне да се создава.
- Кога го учите детето како да ги прави работите, прво покажете како вие би го направиле тоа. А потоа оставете го само да ја направи работата на свој начин и оставете го да згреши. Оставете простор детето да научи, да се обиде, но и да се чувствува гордо. Не им поставувајте претешки задачи и предизвици, но не и премногу лесни.
- Пофалете го детото, но направете го тоа мудро. Се разбира, добро е да го пофалите своето дете. Пофалбата е начин да покажете дека и Вие сте горди исто така. Но истражувања покажуваат дека пофалувањето може да има и спротивен ефект.
