Познато е дека идните мајки се одликуваат со посебен шарм, кожата добива посебен сјај, а погледот станува понежен и поинтензивен меѓутоа, нема секогаш да бидете полни со енергија и задоволни со вашата слика во огледало. Нормално е тоа да се случува!
Бременоста донесува голема револуција во женското тело. Поради тоа неопходно е и понатаму да водите сметка за своето тело со големо внимание.
- За да се избегне појавата на толку непосакуваните стрии, се препорачува секојдневна масажа на стомакот и градите, почнувајќи од 3-4 месеци од бременоста и тоа со соодветен крем специјално направен за зголемување на еластичноста на кожата.
- Мала физичка активност, како што се дневните прошетки кои се идеални за зацврснување на стомачните мускули и нозете како и за циркулација на крвта.
Покрај прошетките идеални се пливањето и гимнастиката во вода. Важно е да ја победите сопствената мрзеливост и да не дозволите прекумерно зголемување на тежината. После породувањето и понатаму треба да вежбате заедно со соодветна исхрана, за брзо да се врати стариот изглед.
Паралелно со тоа треба да користите соодветни креми за одржување на виталноста на кожата. Што се однесува на личната хигиена по желба може да се избере капење во када или туширање.
