“Имам петгодишно и дете на возраст од една година. Проблем е што постарото дете не сака ништо да прави со помладото. Некогаш го турка, го мава со играчки, се лути кога и да помалото добие внимание од некого. Што да направам?“. Ви изгледа ли ситуацијава позната?
Многу родители се борат со сличен однос помеѓу децата. Имајте на ум дека децата пред себе ќе имаат многу време за да се зближат, иако знаеме дека сакате тоа да се случи што е можно побрзо.
- Посветете внимание
Разбирливо е дека бебињата бараат многу поголемо внимание отколку дете на пет години, така што не е необично што постарото се лути поради тоа. Имајте предвид едно – и негативното внимание е подобро отколку да не му пружате внимание воопшто.
Знаеме дека е тешко се да се одржува, особено околу бебето, но обидете се малку повеќе да му понудите внимание и на поголемото дете. Поставете си себе си цел во која област сакате повеќе да се посветите на постарото дете и пичнете да работите на тоа.
Ви предлагаме и да најдете барем половина час во денот кога ќе бидете сами со поголемото дете. Така ќе му покажете дека и тоа ви е важно и дека сакате заедно да правите некои работи. Тие ваши посебни, заеднички моменти ќе бидат од големо значење. Така детето ќе престане да ја избегнува сестрата или братот, оти ќе знае дека подеднако и негови.
- Љубомора
Лошото однесување секогаш е показател на емоциите кои се кријат, а во најголем број случаи тоа е љубомората. Поразговарајте со детето и поттикнете го да објасни како се чувствува. Покажете му дека тоа е во ред и поотрудете се да му помогнете да ги реши тие чувства. Кога ќе почувствува дека го гледате и разбирате, веќе сте на половина пат.
- Улогата на постар брат или сестра
Откако на детето сте му посветиле внимание, а потоа и сте порзаговарале за сите тие тешки чувства, време е да го поттикнете детето на некое позитивно однесување кон помалото дете. Размислете за тоа дека всушност поттикнувате самодоверба кај детето кога е во прашање улогата на постар. Можете детето да го охрабрите со зборовите: “Леле, бебето толку плачеше, а ти успеа да го смириш со една смешна гримаса. Направи да се чувствува подобро, среќно е што те има за постар брат“.
Можете исто така да размислите како да го вклучите детето во грижата за бебето. На пример, можете да му дадете на вашето дете „голема“ задача да ви додава пелени додека го пресоблекувате бебето.
На овој начин, детето ќе се чувствува важно и во вашите очи, но и во очите на братот или сестрата. Љубомората и сите негативни чувства ќе стивнат, а нивната врска ќе биде се подобра и подобра.
