Денес многу родители се загрижени дали детето минува премногу време пред екрани. Многу стручњаци велат дека сериозно може да се развие зависност кај децата, доколку премногу користат технологија. Сите знаеме дека таа, колку повеќе се користи, може да влијае на развојот на детето.
Како да препознаете дека детето е зависно од екрани?
- Повеќе не го интересираат други активности
Кога ќе забележите дека детето попрво бира да гледа во телефон, наместо да си игра со другарите, време е за узбуна.
- Користи екрани за да се орасположи
Ако детето мора да земе телефон или некој друг екран за да се чувствува подобро, за да се утеши кога е тажно, тоа значи дека развива зависност.
- Крие колку користи телефон
Дали некогаш сте забележале дека детето се крие за да користи телефон, особено кога мислите дека спие? Или пак тогаш кога треба да напише домашна задача? Ова може да укажува на нездрава употреба на екран.
Поради екранот ги нарушува односите со луѓето
Кога е дружење во прашање, собирања со семејството или другарите, детето не го остава телефонот, не се вклучува во реалниот живот, туку попрво бира екран.
- Се повлекува во себе
Деца кои премногу користат телефон, таблет, компјутер имаат тенденција целосно да се повлечат во себе.
ШТО ДА ПРАВИТЕ АКО ПРЕМНОГУ КОРИСТИ ЕКРАНИ?
Родителите можат да помогнат и да спречат развој на зависност. Главниот чекор е да го органичите времето што детето го поминува пред екран. Без оглед на годините, поставете некоја граница и одредете колку време смее да минува со телефонот во рака или пред компјутер. Некогаш технологијата може да биде корисна и не треба да и се препишуваат само лоши карактеристики. Затоа направете план кога во семејството се користат екрани, а кога не во текот на денот.
