Многумина од нас се затворени дома, со помали или поголеми работни обврски. Со сето тоа, дополнително имаме и “помагачи“ – децата кои се трудат да не успееме да не се концентираме на работата, дури ни 15 минути. Сепак, иако ситуацијата ни се чини нерешлива и дека не можеме да ги усогласиме работата и децата, постои решение.
Клучот на успехот во деновите во домот кои ги минуваме со децата е во воспоставување рамнотежа.
Одморот е исто важен колку и играта, а забавните активности се исто така значајни колку и моментите на сопствен мир (како за децата, така и за возрасните).
Затоа е важно да направите план и да одвоите време за секоја од овие активности, како би биле сигурни дека минувате квалитетно време иако сте затворени дома.
ДЕТСКИ АКТИВНОСТИ ВО ДОМОТ
Игрите во затворен простор не треба да бидат комплицирани, но ни здодевни. Детето треба да се забавува, но тоа да не подразбира ваш дополнителен стрес и обврска подоцна да собирате расфрлани работи. Додека работите, еве што може детето да си игра, а вие непречено да ги извршите вашите работни обврски:
- Кукли – охрабрете го детето да се грижи за своето бебе, да го храни, да го успива, да го пресоблекува.
- Сложувалки
- Игра со коцки
- Боенки
- Разгледување сликовници и книги
- Слушање приказни – најдете бесплатни аудиио книги за деца
- Гледање цртани филмови
СЕМЕЈНИ АКТВНОСТИ ЗА ВРЕМЕ НА ИЗОЛАЦИЈА
Се додека сте здрави и ги следите упатствата на нашите експерти, може да бидете сите заедно и да си играте и да се гушкате. Затоа е важно да во овие стресни денови, децата да бидат и физички активни, но и да чувствуваат блискот и заштита.
Одвојте време за заедничка игра во текот на секој ден, а еве и предлози:
- Играјте скриено богатство – сокријте предмет во домот и наведувајте ги децата со зборовите топло-ладно
- Заедно исчистете го домот
- Направете пластелин од тесто и правете разни форми
- Вежбајте заедно – пронајдете онлајн вежби за семеен аеробик
- Подготевет заедно ручек или подгответе колачи
- Прошетајте во дозволеното време и на дозволените места, водејќи мсетка за останатите препораки
