Вашето дете има добри оценки, вие сте добар родител кој водел сметка за неговиот академски успех. Ако детето нема високи оценки, автоматски влегувате во категоријата од спротивниот крај: вие сте лош родител кој не се грижи за училишниот учинок и иднината на детето. Сепак, не се сите деца исти и не успеваат сите по сите предмети. Исто како што има деца со склоности кон други области, професии, за кои не е потребно високо академско образование. И тоа не ги прави ниту децата ниту родителите полоши.
Надворешниот притисок, сепак, фрла стигма врз децата и родителите на деца со оценки кои не се најдобри. И едните и другите на крајот се чувствуваат засрамени, разочарани, инфериорни. Фрустрациите може да се акумулираат, понекогаш е тешко да се надминат.
Еве како да разговарате со вашето дете за ниските оценки без да го натерате да страда!
- Прво ислушајте го, а потоа поставувајте му прашања
Без разлика дали го покажуваат тоа или не, децата сакаат да ја заслужат почитта на своите родители, нивната потврда и нивната љубов. Ова ја објаснува и вознемиреноста на децата кога се во прашање оценките. Можете да го ослободите вашето дете од оваа анксиозност покажувајќи ја вашата подготвеност да му помогнете да ја подобри ситуацијата. Прво, треба да зборувате за неговите успеси, за неговите силни страни, а дури потоа за предизвиците што довеле до неговите лоши резултати.
Дозволете му на детето да зборува за своите чувства во врска со предметот, што може, а што не може самостојно да поправи, како се справува со овие предизвици. Покажете ја вашата љубов и сочувство.
- Поставете реални цели
Истражете реални начини на работа со детето за да ја подобрите ситуацијата. Какви надежи и желби има детето за себе? Какви видови на поддршка кои биле корисни во минатото би биле корисни и сега? Каде им требате повеќе? Исто така кажете го вашето мислење и постојано потсетувајте го на неговите квалитети и способности. Ако наставникот му предизвикува вознемиреност, можете да побарате консултација со училишен психолог.
- Стручна помош
Лошите оценки се силен и јасен сигнал дека нешто не е во ред со детето и дека е време да се преземе нешто. Една од најтешките работи за учениците е тоа што ниските оценки можат да доведат до негативна самодоверба и размислување за неуспех. За да не завршите тука, можете да побарате совет од училишен психолог или педагог, за да со помош на овие специјалист, се открие и зајакне детето.
- Избегнувајте казни
Казните не го учат детето на никакви вештини. И детето треба да научи како да се приспособи на она што се случува и да се поправи ако има нешто да се поправи. Ова му дава поголема контрола врз исходот и придонесува за зголемување на автономијата и развивање на вештини за одлучување.
- Воспоставете ефективна рутина за учење дома
Помогнете му на вашето дете да изгради здрава рутина за учење, особено ако има навика да ги прескокнува домашните задачи, ако е растргнат или неконзистентен на училиште. Погрижете се да не го одложува решавањето на задачите или да го одложува учењето. Иако високите оценки не се цел, многу е важно детето да не го изгуби контактот со училиштето.
