Летните горештини понекогаш се многу тешки за бебињата и малите деца, па по цел ден се нервозни, не можат да спијат… Ова е кошмар и за родителите, кои не знаат како да им помогнат на своите малечки, но за среќа постои еден трик за разладување на бебиња и деца.
Експертотот за родителство Кирсти Даглас открива дека најдобриот начин да го разладите вашето бебе е да го ставите голо, односно само во пелена, на вашиот стомак или гради.
„Контактот кожа на кожа им помага на бебињата да ја регулираат температурата во согласност со онаа на мајката, за да им биде поудобно“, вели Даглас..
Таа истакнува дека можете да го разладите бебето и така што тенка пелена ќе натопите со вода, па со неа ќе поминете преку кожата на детето, а особено ќе се фокусирате на задниот дел од вратот.
„Мократа пелена е одлична замена за ладна облога, особено ако сте надвор бидејќи можете да ја навлажните и со флаширана вода“, истакна Даглас. „Доколку го користите овој трик на бебиња помали од шест месеци, погрижете се водата да не е од фрижидер и да не е премногу ладна бидејќи нивната кожа е нежна и почувствителна на температурни промени.
Кога станува збор за постари деца, експертот за родителство вели дека најдобар начин да се разлади детето е да ги оставите да лиже мраз на стапче или наместо вода, на стапче можете да замрзнете многу разреден овошен сок.
Нејзиниот совет, сепак, е овие овошни „сладоледи“ да му ги давате на детето само за време на ручек и да внимавате потоа да се мијат забите за шеќерот да не ги оштети забите.
„Доколку немате време да го направите овој „сладолед“, друга опција е да го искористите она што веќе го имате – ставете некоја глодалка во фрижидер и изладете ја пред да му ја дадете на бебето даја гриза и цица“, советува Даглас, додавајќи дека овој трик ќе помогне на горештините да се разладат и децата чии заби не се во фаз ана растење.
