Различни фактори влијаат на појавата на тегоби во нежниот детски систем за варење. Децата често се вознемирени и нервозни, па иако однесувањето кај децата кои се уште не умеат да кажат (појава на дијареа, превиткување во стомакот или повраќање), укажуваат на стомачни проблеми, родителите често не се сигурни дали е во прашање стомачен вирус или труење со храна.
СТОМАЧНИОТ ВИРУС има неколку различни симптоми, вели д-р Барбара Франковски, педијатар во детската болница во Вермонт. Некои деца чувствуваат болка во стомакот и им се намалува апетитот, некои повраќаат и имаат дијареа, а некои имаат комбинација на овие симптоми. Кога е во прашање стомачен вирус, детето може да има и покачена температура која трае неколку дена. Што повеќе симптоми има детето, вирусот ќе е потежок за лекување и побавно ќе помине. Од друга страна, може да се случи детето само еднаш да поврати и тоа да биде тоа.
Некои од овие симптоми се јавуваат и кога е во прашање ТРУЕЊЕ СО ХРАНА, но она што е карактеристично за труењето е тоа што симптомот се јавува набрзо откако детето внело во организмот проблематична намирница. Многу ретко и поради труење со храна детето може да има покачена температура која не трае долго. За разлика од стомачниот вирус кој може да го мачи детето неколку дена (понекогаш и цела седмица), симптомите на труење со храна, минуваат многу брзо.
