Стомачниот вирус може да се појави речиси во секое време од годината, исто како и труењето со храна, а симптомите можат да бидат многу слични. Сепак, постои начин да ги разликувате, а еве како.
Стомачен вирус
Причината за стомачниот вирус е, како што кажува името, некој вирус, периодот на инкубација трае 24-48 часа по изложувањето на вирусот, а симптомите кои најчесто се јавуваат се:
- Дијареа или запек
- Треска
- Повраќање
- Гадење
- Грчеви во стомакот
- Болка во зглобовите
- Губење на телесна тежина
Во повеќето случаи, стомачниот вирус поминува за неколку дена, иако се зависи од видот на вирусот и имунитетот на личноста. Понекогаш симптомите може да траат и до две недели.
Труење со храна
При труење со храна, причината за симптомите може да бидат бактерии, вируси или паразити внесени со храна, а симптомите се појавуваат два до шест часа по консумирање на контаминирана храна. Еве ги најчестите симптоми:
- Дијареа
- Треска
- Повраќање
- Замор
- Општо чувство на слабост
- Мускулна болка
- Главоболка
- Потење
- Оток на очите
- Тешкотии со дишењето
- Чувство на жед
При труење со храна, симптомите обично почнуваат да се намалуваат по два дена.
Можни компликации
Без разлика дали се работи за труење со храна или стомачен вирус, дехидрацијата може да се случи неколку дена откако ќе се појават симптомите, а еве кои симптоми укажуваат на тоа:
- Намалено мокрење
- Темна урина
- Сувост во устата и грлото
- Суви пелени кај деца
- Недостаток на солзи при плачење кај бебиња и мали деца
- Забрзано чукање на срцето
- Намален крвен притисок
- Зголемена жед
- Вртоглавица, особено при стоење
Кај бебињата и „вовлечени“ очи и фонтанела може да укажуваат на дехидрација. Ако забележите некој од овие симптоми на дехидрација, најдобро е да се јавите кај вашиот лекар.
