Започна новата учебна година, што неминовно значи дека ќе има и лоши оценки, но и добри. Психологот Наталија Наумова објаснува како е најдобро родителите да реагираат на лошите оценки на децата и што никогаш не треба да прават.
Таа истакнува дека „сериозен разговор“ помеѓу родителите и детето по лошата оценка може да создаде дополнителен стрес кај детето, но и дека казната за оценката нема да донесе ништо добро. Наместо тоа, таа советува да му пружите поддршка на детето и да му помогнете само да најде решение за неговиот проблем.
Таа истакнува дека ниту едно дете нема да биде среќно поради лошата оценка, поради што ги советува родителите да покажат сочувство – „поддржете го детето, прегрнете го и кажете му дека овие тешкотии се само привремени“.
Освен тоа, Наумова предлага заедно со детето да ја анализирате ситуацијата, за да најдете решение.
“Добро е да разговарате со детето за тоа како ќе ја поправи оценката. Важно е тоа само да сфати што треба да промени за да се подобри ситуацијата. За да се случи ова, треба да му поставувате прашања, а после тоа, детето можеби ќе побара од родителот да му помогне околу одредени лекции или да оди на приватни часови“, вели психологот.
Наумова истакнува дека доколку детето седи и учи со часови, а нема резултати, треба да се консултирате со детски невропсихолог.
