Детето користи цуцла за да се смири себе си во сите стресни ситуации. Цуцлата, како што велат стручњаците, е транзиционен предмет, односно предмет кој беберо го ослободува од стрес и му помага да се прилагоди на нови, нималку едноставни ситуации, како тргнување во градинка или долги возења во автомобил.
Лекарите препорачуваат дека за детето идеално е да се ослободи од цуцлата до 18 месец. Некои логопеди сметаат дека е подобро до тогаш да не се менува големината на цуцлата, туку детето цело време да користи цуцла за новороденче, оти лошите влијанија по говорот ќе бидат помали.
Како да се одвикне детето од цуцла?
Обидете се да го анимирате детето секој пат кога ќе ја побара цуцлата, понудете му некој вид на замена за цуцла – играчка, сликовница, глумете, пејте. Ако детето ја бара цуцлата бидејќи чувствува несигурност или загриженост, помогнете му да се изрази со зборови, гушнете го и бакнете го. Пофалете го секој пат кога некаде ќе тргне без цуцла или кога ќе одлучи дека сепак не му е потребна.
Осмислете начин на наградување секој пат кога детето ќе издржи без цуцла, на пример златни стикери во форма на ѕвезда може да бидат знак на пофалба и по собирање на неколку, може да го наградите со некоја убава активност, како посета на зоолошка градина, луна парк и слично.
Многу родители ја применуваат и техниката на добра самовила, која во текот на ноќта ја зема цуцлата, а за возврат остава подарок за детето.
