Партнерскиот однос и без деца знае да биде тежок и полн со несогласувања, а кога ќе дојдат деца, просторот за расправање е се поголем, а темите околу кои не се согласувате само се зголемуваат. Секако, децата се сведоци на расправии и дури од нив можат и нешто добро да научат, но само ако се задржите во границите на цивилизирана комуникација. Овие се седум правила за раасправија кои може да ви помогнат да изградите и партнерски однос однос, детето да не биде емоционално повредено и да и тоа од вас научи да ги решава своите конфликти.
- Не користете навредливи изрази
И не само што треба да избирате зборови при вербален конфликт, контролирајте го и тонот на кој зборувате и избегнувајте меѓусебни закани. Ако не ги изберете зборовите што ги користите во комуникацијата, детето може да се чувствува виновно за кавгата.
Децата впиваат како сунѓери и формираат свои модели на однесување според однесувањето на родителите. Ако сте лош пример за вашето дете, може да имате проблем да одржувате релација подоцна во животот. Важно е да не забележат дека вашиот гнев излегол од контрола, но треба да разберат дека родителите може да се налутат еден на друг, но дека и понатаму се сакаат.
- Темите што не се за деца, оставете ги за подоцна
За некои теми може да расправате пред децата, но има и такви кои не се за малите уши. Една од темите што ги оставате затворени во вашите четири ѕида таа за сексуалниот однос. Секако, не е добро ниту да го критикувате партнерот пред децата за некои лоши животни навики бидејќи децата може погрешно да го разберат тоа.
Исто така, не треба да зборувате грдо пред децата за другите членови на вашето потесно или пошироко семејство.
- Не се расправајте ниту за воспитувањето
Ако вие и вашиот партнер не се согласувате за прашања во врска со децата, и тоа треба да го решите зад затворени врати. Да не се доведете во ситуација детето да добие слика за еден “лош“ родител, а со тоа да се наруши и неговиот авторитет.
- Не дозволувајте проблемот да ескалира
Секое недоразбирање може да се реши на мирен и конструктивен начин. Ако се расправате за тоа кој ќе го исчисти станот со правосмукалка, запрашајте се кој го направил тоа последен пат или кој подготвил вечера тој ден. Или играјте пар-непар. Можеби сите ќе се забавувате.
- По кавгата, разговарајте со детето
Од позитивниот исход на родителските кавги, детето може да научи како да ги решава конфликтите со своите врсници. Добро е детето да слушне дека вашите мислења се разликуваат, а тоа е можност да разбере дека е важно да се постигне компромис, а не да се победи.
- Детето нека знае дека се уште се сакате
Доколку се случи се да излезе од контрола, задолжително разговарајте со детето по конфликтот и објаснете му дека возрасните понекогаш знаат да се караат, но тоа не значи дека мама и тато сепак не се сакаат. Би било препорачливо секој родител да разговара со детето насамо бидејќи тоа му дава уверување дека и двајцата сте добро.
- Не барајте од вашето дете да избира страна
Дури и кога се во прашање најнеопасните кавги, не барајте од детето да избира страни. Ако неговата одлука за тоа на чија страна е одлучува за исходот од кавгата, детето може да се чувствува виновно што е против другиот родител.
