Колку време поминувате со своето дете по враќањето од работа? Технички, потребни ви се 30 минути да му подготвите вечера, уште толку додека вечера, половина час да го искапете и да го подготвите за спиење, 15 минути да му прочитате книга и само миг да го бакнете за добра ноќ.
Меѓутоа, според мислењето на стручњаците, помеѓу сите овие обврски, постојат најважни три минути. Психолозите велат дека ако се следи правилото “три минути“ ќе ја имате довербата на своето дете, дури и кога ќе стане тинејџер.
Правилото вели дека секој пат кога ќе влезете во домот, морате да се поздравите со своето дете како тој ден да го гледате прв пат (дури и кога ќе се вратите од продавница во која сте биле 10 минути). Додека се поздравувате, важно е да се да бидете на висина така што вашите очи да бидат на ниво на очите на детето и да го прегрнете. Во прегратка останете три минути и прашајте го дали нешто се случило додека не сте биле тука.
Ова правило е осбено важно кога го земате детето од градинка или од училиште или кога се враќате дома од работа.
Според зборовите на психолозите, за време на првите минути откако сте се виделе, детето ќе ви ги каже сите информации што ги запомнило. Последиците од игнорирањето на правилото од три минути, може да се разликуваат во зависност од карактерот на детето. Некој кој не добива можност да им раскаже на родителите се што сака, нема ни подоцна да зборува за важни работи и со тек на време, некои факти ќе му изгледаат целосно неважни за да зборува за нив. Во тој случај, родителите може да бидат скусени за важни информации.
Од друга страна, постојат деца кои ќе зборуваат и ќе се потсетуваат на нови факти цела вечер. Иако, родителите на зборливото дете на крајот ќе ја знаат целата приказна, сепак постои ризик да не слушнат многу работи, бидејќи со тек на времето зборувањето на за нив ќе стане глас во позадина додека тие работат нешто друго.
Затоа е важно децата да добијат свое време, свои три минути, посветени само на нив. Време кога ќе знаат дека ќе бидат ислушани.
