Технологијата нè окупира целосно, вклучително и во родителството. Како постојано да се натпреваруваме со неа во воспитувањето, односно кој повеќе ќе влијае на децата. Меѓутоа, ако го оставиме настрана лудилото на модерноста, основите на доброто воспитување деца навистина не се толку многу променети. Со неколку испробани стратегии, детето полесно би можело да стане најдобрата верзија од себе.
Секој родител сака неговото дете да ги постигне своите цели и да најде среќа, но истражување спроведено на Харвард пред неколку години покажало дека тоа не мора да биде на сметка на љубезноста и емпатијата. Според него, неколку испробани и вистинити стратегии сè уште се најдобриот начин да ги обликувате вашите деца во морално исправни и ориентирани кон целите луѓе какви што сакаме да бидат.
Еве четири практични совети засновани на ова истражување:
- Дружете се со вашите деца
Ова е основата на сè. Поминувајте редовно време со вашите деца, поставувајте им отворени прашања за нив самите, за светот и како тие го гледаат и активно слушајте ги нивните одговори. Не само што ќе научите различни работи што го прават вашето дете уникатно, туку и ќе му покажете и дека се грижит за друга личност.
- Ако е важно, кажете го тоа гласно
Според оваа студија на Харвард, се чини дека иако повеќето родители и старатели велат дека грижата за нивните деца е главен приоритет, децата честопати не ја слушаат таа порака. Затоа, мора тоа јасно да го кажете. И тоа така да знаат дека тоа е нешто што и тие треба да го практикуваат, со наставници, тренери и други кои работат со вашите деца, да проверат како напредуваат во тимската работа, соработката и како воопшто успеваат да бидат добра личност.
- Покажете му на вашето дете како тоа да го „реши“
Водете го детето низ процесот на донесување одлуки на начин што ќе ги земе предвид луѓето кои би можеле да бидат засегнати од тоа. На пример, ако детето сака да се откаже од некој спорт или активност, поттикнете го да го идентификува изворот на проблемот и да размисли за неговата посветеност на тимот. Потоа помогнете му да сфати дали откажувањето навистина го решава проблемот.
- Услужливоста и благодарноста нека бидат рутина
Истражувањата покажуваат дека луѓето кои практикуваат благодарност имаат поголема веројатност да бидат корисни, дарежливи, сочувствителни и да простуваат – а исто така имаат поголема веројатност да бидат посреќни и поздрави. Затоа, добро е родителите да држат контрола над домашните обврски, да бараат од децата да им помагаат на своите браќа и сестри и да кажат „благодарам“ секогаш кога е соодветно. А кога станува збор за наградување на „доброто“ однесување, истражувачите препорачуваат родителите „да ги фалат само невообичаените дела на љубезност“.
