Како што топлотните бранови стануваат се почести, од клучно значење е да се создаде безбедна и пријатно ладна средина за спиење на вашето бебе. Прегреаниот кревет или соба може да предизвикаат блага непријатност или дури и топлотен осип, но позагрижувачка е врската помеѓу прегревањето и зголемениот ризик од синдром на ненадејна смрт на доенчиња.
За да ви помогнеме да се снајдете низ овие жешки ноќи, пренесуваме совети од експерти за спиење за знаците дека на вашето бебе му е прежешко додека спие и како да обезбедите безбедно опкружување за спиење.
Кои се знаците дека на бебињата можеби им е претопло додека спијат?
Кога на бебето му е премногу жешко за време на спиењето, тоа покажува различни знаци. Според Роуз Дејвидсон, консултант за спиење на доенчиња, еве неколку клучни индикатори:
- Топла или црвена кожа
„Кожата на бебето изгледа премногу зацрвенета или се чувствува невообичаено топла на допир, особено на образите или на челото.
- Потење
„Иако бебињата обично не се потат толку многу како возрасните, прегревањето може да предизвика влажна коса или испотен врат и грб.
- Забрзано дишење
„Прегревањето води до побрзо дишење од нормалното.
- Летаргија
„Некои бебиња стануваат летаргични или невообичаено поспани, изгледаат помалку чувствителни кога се прегреваат“.
- Зголемена нервоза
„Нелагодноста поради жештна, ги прави бебињата понервозни или почесто плачат“.
- Топлински осип
„Мали црвени испакнатини, особено во областите каде облеката ја задржува топлината, укажуваат на прегревање.
- Намален апетит
„Прегреаното бебе бара помалку да јаде“.
Која температура треба да биде во собата?
Според Мартин Силе, виш експерт за спиење, „Во идеален случај, собната температура за бебињата и малите деца треба да биде помеѓу 16-20 степени Целзиусови. Ова е незгодно бидејќи температурите ширум светот се искачуваат над 30“.
“За да ја намалите собната температура, држете ги прозорците во просторијата затворени, а завесите навлечени во текот на денот. Така спречувате топлиот воздух да влезе во просторијата и го спречува сонцето да ја загрее просторијата”, советува тој.
„Ако вашето бебе е премногу топло, отстранете слој облека или префрлете се на полесни, потенки прекривки и или вреќа за спиење. Уверете се бебето да остане хидрирано ако е постаро и не е исклучиво доено. Внимавајте на однесувањето и температурата на бебето и прилагодете ја неговата околина по потреба“, додава Дејвидсон.
Дали бебињата плачат ако навечер е премногу топло?
Да, бебето може да плаче ако му е премногу топло ноќе, но плачењето не е единствениот знак.
„Зависи! Некои бебиња може да плачат или да станат нервозни кога им е премногу жешко, додека други може да бидат летаргични или поспани од прегревање“, вели Дејвидсон. Следете ги и останатите симптоми за да процените дали вашето бебе е премногу топло“.
Експертот Силе додава: „Бебето веројатно ќе плаче ако му е премногу студено ноќе, но прегревањето може да го направи летаргично, што го спречува да плаче. Побезбедно е бебето да биде малку ладно отколку премногу топло, затоа секогаш водете се по ова кога го облекувате за спиење во текот на летото“.
