Со консумирање на 100 милилитри сок од калинка, детето ќе днесе доволна дневна количина на витамин Ц, а истовремено ова овошје изобилува со калиум, калциум, фосфор и железо. Калинката се смета за чувар на здравјето на детските заби,а богата е и со витамините А, Е и Б5.
Според педијатриските совети, сок од калинка на бебето може да почне да му се дава веќе од осмиот месец од животот, а може да му се понуди и кашичка од блендирана калинка, додека цели зрна се препорачуваат за деца постари од три години.
Дневата количина на сок од калинка за бебе од осум месеци, треба да биде најмногу 120 милилитри. Посебно треба да се обрне внимание на евентуалните алергиски реакции, па затоа пред воведување во бебешката исхрана, најдобро е да се консултира матичниот педијатар.
Сокот од калинка е особено добар во бременоста, поради изобилството од витамини минерали, а се смета и за плод на среќата.
