Шведски научници внимателно следеле 28 бебиња за да воочат низ какви се промени минуваат на самиот почеток од животот. Ова истражување објавено во списанието “Acta Pediatrica” покажало дека новороденчињата се однесуваат инстиктивно, кога се препуштени на првите слободни движења на телото и првиот контакт со мајката.
Раѓање: Бебето гласно плаче, на тој начин будејќи ги своите бели дробови
2. минута: Бебето се смирува, одмора – доколку е можно на градите на мајката
2,5. минута: Бебето прв пат ги отвора очите и постепено почнува да ја мрда главата и усните
8. минута: Бебето станува поактивно – долго ги држи очите отворени. Ги набљудува градите и очите на мајката, покажува дека е гладно со плачење и ги насочува дланките кон усните
18. минута: Детето повторно се одмора по овие движења
36. минута: Бебето почнува да го употребува своето сетило за мирис, се уште е заинтересирано за градите на мајката
62. минута: Време е за првото доење! Бебето го пие колострумот – првото мајчино млеко, кое содржи бројни хранливи состојки и молекули што го јакнат имунитетот. Ова рано цицање стимулира производство на млеко и и помага на матката што побрзо да се врати во првобитна состојба.
70. минута: Бебето заспива и го добива заслужениот одмор.
Ова истражување е спроведено на мал примерок од деца, и тоа во Шведска, каде бебиња по раѓањето имаат можност да се одморат на градите на мајката и да уживаат во нејзиното прво млеко, што не е привилегија на новороденчињата ширум светот. Сепак, овие резултати се сметаат за сигурен показател за инстинктивното однесување на најмладите. Авторите на истражувањето остакнуваат дека времето враира од бебе до бебе, а наведените минути се истакнати како просечни вредности.
