Коронавирусот и натаму се шири низ светот, а веќе се пријавуваат и случаи на заразени деца, па еве што инфектолозите велат за болеста КОВИД-19 кај децата, но и кај трудниците.
Децата со хронични болести имаат поголем ризик, но болеста е поблага и потсетува на настинка.
“Според досега достапните податоци, болеста предизвикана од новиот коронавирус (КОВИД-19) кај децата и кај адолесцентите е поблага отколку кај возрасните. Симптомите потсетуваат на обична настинка и речиси кај сите заболени доаѓа до спонтано опоравување во период од една до две недели“, објаснува проф. д-р Горан Тешовиќ, специјалист по педијатриска инфектологија на Детската клиника во Загреб.
Тој појаснува дека досега кај деца помлади од девет години не е забележан ниту еден смртен случај, додека кај децата и адолесцентите на возраст од 10 до 19 години, смртноста е 0,2% што е значајно пониска во однос на возрасните.
Според проф. д-р Тешовиќ, тешки клининички форми на болеста кај децата и кај адолесцентите се многу ретки и според досегашните податоци, се чини дека децата со хронични болести/состојби имаат, како и кај другите вирусни респираторни инфекции, поголем ризик за развој на потешка клиничка форма на болеста. Тој додава дека и кај претходните две епидемии предизвикани од опасниот коронавирус (САРС и МЕРС), болеста кај децата била поретка и со далеку поблаг клинички тек.
‘Што се однесува на болеста кај бремените жени, засега се чини дека трудниците не се ризична популација за развој на тешка форма на болеста. Што се однесува на преносот на инфекцијата на фетусот, со оглед дека е во прашање инфекција, која главно е ограничена на системот за дишење, и не зачусува што не доаѓа до заразување на фетусот, но не е исклучено. Податоците кои се на располагање се оскудни за да се донесат конкретни заклучоци“, објаснува професорот.
