Сите ви велат дека треба постојано да разговарате со бебето? А, што велат стручњаците од Институтот за технологија на Харвард?
Во нова студија која се занимавала со развојот на говорот кај малите деца, научниците истражувале како треба да се разговара со децата за да постои можност за најдобар развој.
Не е важно само да им се зборува, туку е важен начинот како тоа се прави, потенцираат истражувачите. Наместо само да изговарате зборови, од едноставни до сложени и да им покажувате слики кои ги означуваат научените зборови, стручњаците нагласуваат дека е важно од самиот почеток децата да се вклучат во взаемен разговор.
Имено, истражувачите го следеле она што го нарекле “конверзациски потези“ или кога возрасното лице и детето меѓусебно разговараат со не повеќе од пет секунди пауза помеѓу зборовите. Со други зборови, важна е интеракцијата.
Истражувањето кое опфатило деца на возраст од 4 до 6 години утврдило дека дијалогот може да го поттикне развојот на мозокот кај детето и јазичните вештини. Значи, не е важно само на детето да му зборувате и да му го збогатувате речникот, важно е со него навистина да разговарате и да го учите како да ги сфати и возврати информациите, потенцираат истражувачите од Харвард.
