Кога се во прашање грди или забранети зборови, родителите се многу поделени. За некои е во ред децата да “пцујат“ во одреден контекст и ситуација, други оак им објасниле на децата се во врска со пцуењето, додека трети не сакаат да слушнат децата да употребуваат “прости“ зборови ниту самите ги изговараат пред нив. Како и да е, пцостите се дел од нашиот вокабулар и нема човек на кој понекогаш не му “излетале“. Понекогаш причина е лутината, понекогаш заморот, изнервираност или едноставна желба некој да се навреди.
КОЛКУ ПЦОСТИ КАЖУВААТ РОДИТЕЛИТЕ?
Иако е невозможно да се истражи колку често и колку родителите пцујат пред своите деца, едно истражување спроведено во Велика Британија покажува вакви резултати:
- 51 процент од родителите пцујат пред децата и не мислат дека тоа е лошо
- 1 од 5 родители смета дека е во ред да се пцуе пред дете затоа што е премногу мало за да разбере што значи тоа
- Друга група испитаници изјавиле дека сметаат дека е во ред да се пцуе се додека нивните деца се информирани дека не смеат да ги користат тие зборови.
ШТО СЕ СЛУЧУВА КОГА ИЗГОВАРАМЕ ПЦОСТИ?
Иако децата понекогаш се премногу мали за да ги разберат зборовите што ги користиме, има работи што им поминуваат низ глава кога ќе слушнат дека родителите користат “грди зборови“. Експертите предупредуваат дека најважното нешто што ќе се случи е да помислат дека и самите може да ги користат тие зборови.
Имено, децата “впиваат“ се од својата околина, а јазикот е една од тие работи. Ако слушнат дека мама и тато користат лоши зборови, ќе ги повторат затоа што ќе мислат дека тоа се само нормални зборови и дел од разговорот. Кога мама ги користи во нормални реченици, тие може да почнат да мислат дека таквиот говор е прифатлив.
Меѓутоа, ако родителите ги користат во лутина, тоа може малку да ја зголеми вознемиреноста и анксиозноста на детето. Кога пцуењето се користи во гнев, особено кога станува збор за лутина за нешто што детето го направило, тие можат да станат прилично насилни и застрашувачки за малите уши.
Стручњаците велат дека пцуењето пред децата не е “крајот на светот“, што на многу родители може да им олесни. Односно, децата ќе бидат изложени на лоши зборови насекаде околу нив, на ТВ, во музиката што ја слушаат, во училишниот двор.
Меѓутоа, контекстот е најважен и родителите мора да го научат тоа. И, посочуваат експертите, тоа е она на што мора да ги подучат децата. Значи, нивниот совет е, објаснете им на децата што значат тие зборови, но и кога да ги користат. Лутината во никој случај не треба да биде тригер за пцости.
