Факт е дека женското тело за време на бременоста минува низ големи промени, а по породувањето се менуваат и други одредени работи. Според лекарите, потребни се околу 12 недели до една година вагината да се врати, по породувањето, во првобитна состојба. Некои работи по породувањето се менуваат,а ова се некои промени кои може да ги очекувате.
Крварење
Во првите 6 недели попородувањето може да дојде до постпартално крварење, особено во текот на првите 10 дена и тоа силно крварење со светло црвена боја. Во текот на првите три дена може да се појават и мали крвни згрутчувања, но тоа нека не ве загрижува, оти е нормално телото да ги исфрли остатоците од ткиво и крв од матката. По 10 дена, крварењето се забавува, и во рок од шест недели главно престанува.
Грчеви
Со оглед дека по породувањето, матката повторно се намалува, се јавуваат грчеви. Тој процес се нарекува инволуција, а кај могу жени болка е занемарлива. Ако станува збор за второ или трето дете, болка може да биде поинтензивна.
Промени во менструалниот циклус
Кога телото повторно ќе почне да овулира, менструалниот цикус може да стане сосема поинаков од тоа како бил пред бременоста. Поради сите хормонални промени кои се случуваат за време на бременоста, може да дојде до потешки или пак полесни менструални циклуси.
Вагинална сувост
Доењето на детето може да го намали нивото на естроген што доведува до сувост на вагината. Не станува збор за трајна состојба, сувоста трае само во текот на доењето.
