Нарцисоидните мајки често ги користат своите деца како одреден вид средства за задоволување на сопствените потреби, предупредуваат психолозите. Тие ќе бидат исклучително чувствителни на секоја критика, ќе манипулираат со своите деца и постојано ќе глумат жртва. Според експерите, нарцисоидна мајка не е во состојба да им посветува на своите деца соодветно внимание и грижа затоа што секогаш ќе им дава приоритет на сопствените желби пред интересите на своите деца.
Нарцисоидна мајка ќе покаже особини карактеристични за нарцисоидно нарушување на личноста, а нејзиното однесување може неповратно да го наруши создавањето здрав однос со детето. Освен тоа, растењето со ваква мајка има негативно влијание врз менталната состојба и психата на детето.
Но, како да препознаете дека се работи за нарцисоидна мајка?
Како што објаснуваат психолозите, постојат неколку знаци кои јасно укажуваат на тоа и не треба да се игнорираат за да се избегнат посериозни последици за детето. Тие вклучуваат:
- Искористување на другите за лична корист
- Постојани фантазии за успех, моќ или богатство
- Преувеличување на сопствените достигнувања, таленти или статус
- Прекумерна потреба за восхит
- Постојана љубомора
- Склоност кон критикување
- Непочитување на границите
- Склоност кон емоционални манипулации
- Недостаток на емпатија.
