Никој не сака игли, но меѓу децата многу често владее огромен страв. Токму поради тоа, одењето на лекар поради примање вакцина, за родителите може да биде кошмар. Сепак, во ваша моќ е да го смирите детето.
Факт е дека ниту едно не сака игла. Сепак, родителите можат да направат неколку рабори за да го смират тој страв и да му помогнат на детето многу полесно и без страв и солзи да прими вакцина.
БИДЕТЕ ИСКРЕНИ
Бебињата нема ни да се сеќаваат на својата вакцинација, но постарите деца ќе се сеќаваат. Тие во родителите бараат искреност, особено бидејќи се во страв, а ако ги лажете, тоа нема да биде добро. Кажете му на детето дека малку ќе боли, ќе почувствува убод, но дека тоа ќе трае многу кратко.
СТАВЕТЕ ФОКУС НА ЗДРАВЈЕТО
Објаснете му на детето дека вакцина се прима за да бидеме здрави и за да се чувствуваме добро. Тие не штитат и чуваат, а ако им ја објасниме смислата на она што ги плаши, тогаш многу полесно ќе прифатат.
ПРИДРЖУВАЈТЕ СЕ ДО КАЛЕНДАРОТ ЗА ИМУНИЗАЦИЈА
Не ги прескокнувајте вакцините, придржувајте се до советите од педијатарот и носете го детето на секоја вакцина според календарот за имунизација.
СЛУШАЈТЕ ГИ ЛЕКАРИТЕ
Некои деца сакаат да примат вакцина додека ги држи мама, дел сакаат да ве држат вас за рака, но има и деца кои плачат, ги гушкаат родителите и не сакаат да се смират за вакцина. Ако медицинската сестра и лекарот ви речат да се оддалечите за полесно да го смират детето, послушајте ги.
НАГРАДИТЕ СЕ ВО РЕД
Во вакви ситуации, наградата навистина може да му помогне на детето да биде храбро и мирно да ја прими вакцината.
ПОТРУДЕТЕ СЕ ДА БИДЕТЕ СМИРЕНИ
Прво е важно вие да бидете смирени и опуштени, да се смеете. Ао детето го почувствува вашиот страв, ќе биде полошо. За да го смирите детето, фокусирајте се на дишењето. 3-4 пати зааедно длабоко земете воздух. Вдишувањето нека биде низ нос, а издижувањето низ уста. Можете и заедно да ги затворите очите, за да се опуштите. Поттикнете го детето да мисли на омилената активност, на нешто што сака и во што ужива.
