Втората бременост е во извесна смисла полесна бидејќи веќе знаете сè, како и вашето тело кое веќе еднаш ги поминало сите овие промени. Секако, секоја бременост може да биде многу различна, и физички и емотивно.
- Втората бременост просечно трае пократко
Бременоста трае 40 недели. Почетокот на бременоста се смета од првиот ден на последниот менструален циклус. Првата бременост трае просечно 41 недела и 3 дена (10 дена подолго). Втората бременост просечно трае 40 недели и 3 дена. Ова се јавува од причина што телото веќе минало низ една бременост и хормоните делуваат побрзо.
- Второто породување е покусо
Додека првото породување просечно трае 18 часа, второто обично трае пократко, во просек околу 8 часа. Секако, кај секоја жена е различно, но повеќето жени имаат второ покусо породување. За време на првата бременост и породување, лигаментите веќе се опуштиле и растегнале, што овозможува, вториот пат, бебето, полесно да излезе.
- Трудовите болки доаѓаат побрзо
Мускулите и лигаментите во карлицата и вагината веќе создавале простор за бебе и ја туркале нанадвор, така што вториот пат се оди многу побрзо.
- Грчевите по породување се помали
Природно е во првите три до пет дена, родилката да ја чувствува, односно нејзиното грчење, кога бебето ќе почне да цица. Тогаш телото ослободува хормон – окситоцин, кој помага матката да се собира, односно да се грчи, како би се намалила во големина како пред бременоста. Грчевите се слични како при менструален циклус.
