Иако е една од омилените активности во лето, пливањето во базен може да има последици по вашето тело.
Познато е дека хлорираната вода ги убива микробите во базенот, обезбедува подобра хигиена и штити од можни инфекции, меѓутоа хемиското средство за дезинфекција може да предизвика одредени несакани ефекти.
Сува и иритирана кожа
Сувата кожа често може да биде последица на присуство на хлор и други хемикалии во водата. Засега не се познати случаи на алергија на хлор, но сепак, кожата може да биде исклучително чувствителна, што доведува до реакции како што се:
- сува кожа
- чешање
- розацеа
- акни
- осип
Доколку вашата кожа е чувствителна и проблематична, важно е да го напуштите базенот и да бидете внимателни доколку забележите какви било промени.
Познато е дека хлорираната вода ги убива микробите во базенот, обезбедува подобра хигиена и штити од можни инфекции, меѓутоа хемиското средство за дезинфекција може да предизвика одредени несакани ефекти
Сува коса
Освен што е штетен за кожата, хлорот не е погоден ниту за косата. Хлорираната вода ги отстранува маслата кои го штитат скалпот, што може да ја направи вашата коса сува и склона кон кршење.
Исто така, хлорот ги разградува протеините во косата, поради што косата полесно се крши. Покрај тоа, оваа хемикалија може да ја осветли и бојата на косата.
Проблем со дишењето
Хлорот што се ослободува во воздухот може да биде штетен за респираторниот систем. Високата концентрација на хлор во базените и непроветрените затворени простории може да доведе до проблеми како што се:
- кашлање
- напад на астма
- течење на носот
- иритација на очите
Хлорот во комбинација со други хемикалии може да предизвика чешање, розацеа, суви очи, насолзени очи и проблеми со видот.
Проблемите најчесто се јавуваат кај луѓе кои редовно пливаат во базен со хлорирана вода. Затоа е важно да внимавате на несаканите ефекти и задолжително да реагирате на промените.
