Калинката е мало овошје со голема хранлива вредност. Со само 100 милилитри сок од калинка, детето добива доволна дневна количина на витамин Ц, а истовремено ова овошје е богато со калиум, калциум, фосфор и железо. Калинката е позната како чувар на здравјето на детските заби, а содржи и витамини А, Е и Б5, кои го поддржуваат правилниот развој на малите организми.
Според педијатрите, сок од калинка може да се воведе во исхраната на бебето од околу осмиот месец. На малите може да им се даде и блендирана кашичка од калинка, додека цели зрна се препорачуваат за деца постари од три години.
Дневната количина на сок за бебе од осум месеци не треба да надминува 120 милилитри. Особено внимание треба да се обрне на можни алергиски реакции, па пред воведување на калинката во бебешката исхрана, најдобро е да се консултира матичниот педијатар.
Покрај бебињата, калинката е одлична и за трудници, бидејќи обезбедува богата комбинација на витамини и минерали и се смета за „плод на среќата“. Воведувањето на ова овошје во секојдневната исхрана може да помогне во јакнењето на имунитетот и здравјето на целото семејство.
