Како да ги усогласите кариерата и семејните обврски? Со оваа дилема секојдневно се среќаваат милиони жени. Дека децата неретко се најголеми жртви на овој проблем, докажува и британско истражување кое тврди дека вработените мајки посветуваат само еден час и 21 минута активна грижа за сопственото семејство. Од друга страна, мајките кои својата работа ја работат од дома, посветуваат двојно повеќе време за грижа на децата. Тие на заедничките активности како хранење и капење на бебињата, како и играње трошат 2 часа и 35 минути.
Дали поради презафатеноста на мајките е загрозен емоционалниот развој на малите деца?
Британските психолози тврдат дека е важно паметно да се искористи времето поминато со децата, па макар било и само 81 минута дневно. Затоа научниците ги советуваат родителите, времето кое го поминуваат со децата да го искористат за забавни активности кои ќе поттикнат зближување со нив.
„Важно е децата да се забавуваат со родителите. Значи, кога ќе се вратите од работа, немојте веднаш да почнете со домашните обврски. Одвојте 45 минути за игра со децата. Освен што ќе бидат среќни и задоволни, децата ќе го паметат „лудувањето„ на мајките и татковците„, порачува детскиот психолог д-р Сандра Витлеј.
