Откриена е изненадувачка врска меѓу жените на кои им било отстрането слепото црево или крајниците и нивната стапка на плодност. Истражувачите сметаат дека факторите што стојат зад овие резултати, објавени во списанието „Fertility and Sterility“, би можеле да бидат повеќе бихејвиорални (поврзани со однесувањето) отколку биолошки.
„Резултатите од оваа студија го потврдија претходното испитување за повисока стапка на бременост и пократко време за зачнување после операцијата на слепо црево“, пишуваат авторите, додавајќи дека биле уште поизненадени кога откриле дека отстранувањето на крајниците исто така ја зголемува плодноста
Иако не е се уште целосно потврдено, истражувачите сметаат дека одредени фактори можат да влијаат врз стапката на плодност, бидејќи ова не е прв пат да се открие ваква врска помеѓу слепото црево и плодноста. Две претходни студии во Велика Британија покажаа дека жените кои биле подложени на операција на слепо црево имале зголемена стапка на плодност, од 20 и 54 проценти.
Со целосното отстранување на органите може да се спречи каква било инфекција или оток, што би можело да предизвика оштетување на фалопиевите туби, и да влијае на плодноста на жената. За да го тестираат ова, истражувачите одлучиле да разгледаат уште еден лимфоиден орган – овој пат крајниците. Ако причината за зголемувањето на плодноста е поврзана со намалување на отокот околу фалопиевите туби, тогаш би било разумно отстранувањето на крајниците да нема ефект, или барем така мислеле.
Она што го утврдиле било уште поинтересно. Прегледале над 500.000 жени кои биле подложени на операција на слепо црево или имале тонзилектомија, или и двете, или ниту едно, и ги споредувале 15 години. Откриле дека од секоја група 54% од 54.675 на кои им било отстрането слепото црево забремениле, како и 53% од вкупно 112.607 пациенти на кои им биле извадени крајниците, и близу 60% од 10.340 кои ги имале обете операции. Тоа е споредено со само 43 проценти од 355.244 жени кои немале операција. И не само тоа, тие исто така имале и пократко време на зачнување.
„Резултатите од оваа студија го потврдија претходното испитување за повисока стапка на бременост и пократко време за зачнување после операцијата на слепо црево“, пишуваат авторите, додавајќи дека биле уште поизненадени кога откриле дека отстранувањето на крајниците исто така ја зголемува плодноста.
Истражувачите пишуваат дека за оваа студија избрале жени на кои им било отстрането слепото црево, крајниците или обете, а покрај тоа, тие избрале жени кои имале полиберален став кон сексот, а со тоа и поголема веројатност да забременат. Покрај тоа, тие забележале дека жените во овие групи, исто така, имале поголема стапка на ризик од инфекции со кламидија и пелвична инфламаторна болест како резултат на зголемена сексуална активност.
Сепак, истражувачите велат дека не можат да го исклучат фактот дека со отстранување на овие лимфни органи би можела да се намали количината на воспаление во телото во целост. Тоа, тие тврдат, би можело да помогне во имплантација на јајце клетката во матката.
По се изгледа дека се работи за микс на вклучени фактори, како биолошки, така и бихејвиорални, но едно е сигурно: Никој не треба да го вади ниту слепото црево, ниту крајниците, освен ако тоа не е апсолутно неопходно, пишува „IFL Science“.
