Научниците открија протеин во крвта што би можел да предвиди кои пациенти со коронавирус ќе треба да бидат ставени на респиратори.
Протеинот, познат како suPAR, е маркер на сериозност на болеста и нејзината агресивност, како и за активирање на имунолошкиот систем.
Истражувачите откриле дека на пациентите со КОВИД-19, кои имале високо ниво на suPAR во крвта, им биле потребни машини за дишење и биле интубирани најбрзо по хоспитализацијата.
Истражувачите откриле дека на пациентите со КОВИД-19, кои имале високо ниво на suPAR во крвта, им биле потребни машини за дишење и биле интубирани најбрзо по хоспитализацијата
Тимот од Rush University Medical Centers, вели дека наодите сугерираат дека лекарите би можеле да го користат suPAR како предвидувач за тоа на кои од пациентите со вирус ќе им требаат респиратори и ќе може да ја добијат потребната респираторна помош пред да биде предоцна.
„Ова е прв извештај во светот што покажува дека нивото на suPAR е покачено кај пациенти со КОВИД-19 и е предвидувачко“, рече авторот д-р Јохан Рајсер, претседател на одделот за интерна медицина при Rush University Medical Center.
Во претходните студии, високите нивоа на suPAR (soluble urokinase plasminogen activator receptor), протеинот во крвта беа поврзувани со развој на хронично заболување на бубрезите.
„Колку е повисоко нивото на suPAR, толку е пократко времето пред пациентите да имаат потреба од интубација“, рече Рајсер. Новата студија е објавена во журналот Critical Care. (Дејли мејл)
